"generasi kita hari ini berjiwa mundur
walaupun berpendidikan. generasi kita umpama lalang yang lebih tinggi
dari rumput, tetapi di tiup di sana kemari oleh angin, nenek moyang
kita umpama rumput yang melekat di bumi di tiup angin macam mana pun
tidak akan berganjak." by The Momogunology

Tumupak amu kadampon tumakad a kolimpapak
Timpano kit konopuan siratai lot kosilahon
Ilo poi panala sala alo poi ponuvai suvai
Tu olungui lot manahambai momunsilou kotonobon

Adi vasi di tinannku alo sanggong di diriku
Kiinan okud tinodugu kidiri okud tinandagas
Sumilau dara yiadau sumakai dara yiunat
Nga nokotoddong pod toduruk nokosurop pod oruhai


Urado kilo tulanda om sopilango lot sapadang
Lumumpa tokod kopimpinan manangkoi tokod indahaton
Ilono mai dapu laid alono mai java di aki
Tanggamai tokod tanggamai ansaro tokod ansaro

Toburai ku pod toburai tazasai ku pod tazasai
Iso pomai ot sondihon duvo pomai ot kabazon
Avasi dati ong sompuru asanggong bilo ong sogurut
Tu korombung dot pomogunan om kotomon dilo sambavon

Mungkolu ko nopod mungkolu mungkivoi ko nopod mungkivoi
Ondozo noki janakon inggidai noki junaron
Tu amu nopod lumaang ko tidak nopoi tumindak ko
Oopung ko sid lazagon atatak ko sid lubokon

Iti nomai imuhunku alo mai upazaku
Orulun lot kotuvongon katalib lot korondomo
Nga sumirot no pong yiadau sumidang nopong yiunat
Nga osunggu no yimbungavan om orikot ni kolobintang


Sumbangan: Jahudi Masilun (Rungkud) - Momogunology Team
(Hak Cipta Terpelihara)