Surita tanganak po......gara2 hinumungot ningutan mibo. Umo nga okon ko osomok.....Sepanjang jalan monggung ronggung mogihad. Nokontok oku po sid pampang nokorongow oku dot mongundaboi o tulun om mad agara mioboros boros...vai ningkod mongundaboi torongow ku ong notimpan ku it tidi om kominan ku sid isan tagad....

Iti tuturan ku diti okon ko pinudali nga andang ko najangan om nopurimanan ku kondiri. Dari segi saintifik mimang osusa dot itarang tapi mulong ko urang puti, kakal e yoti dot amu nakahajang dot kuran gama mongobukti dot ingod sid sudut logik mivozo dot kakaraving sid sains.

Iti diti nahajangan ku dit anganak oku po, umul sid mintutuk dot 4 atau 5 toun. Yokoi dit hiza diri susulap, aso tapus gamko ososdu sodu antad sid kasasambalan, ipomat osomok banal sid tanga vatu e yadino. I hiza diri amu otoron it tama ku nokoling tu pinunjal dot ongo dapu. Yokoi 5 songobpinai, it kotuaan dahai ondu kisavo no it hiza diri, manjadi 4 okoi songobpinai om it tidi ku. Tuturan dit gulu gulu amu kavasa ong modop sid timpak dot onsung antawa vatu ( pangasaan ). jadi sokoviai okoi songobpinai dno nga minangagama dot dazung...timog ot niginit sid ongo kasau om imburulu. Na it doho dat dazung asazad sampai kosondot sid palampag, jadi amu ozi oku tu kadisai mat dumazung ngan mondot sondot sid palampag.

Manjadi mad kakato ku i it onsung om pasahavo ku no sid dazung ku...jadi avantang nobo gima tu natangkal no dot onsung...amuno kosondot sid palampag...jadi songirak irak okoi tu ba ohigak otomon no. Ino dino sid apad okoi..it tidi ku sid ongkob isiso...amu songkuro diri....????....tinavau pot nimot ku mad varo e longon dot olombon po anaru po om banalko ahakang ot vulu...mad viniras it taap dot valai om tinamol oku dit longon dno....amu ogi nopurimanan ku....ontob nokogizak oku dot insan om sinod ongkob oku...mad yad po kilo nitaam ot gansing. Jadi sodop dino banal ko amu oku nokodop tu banal ko rumosi...sampai minangambo it idi ku dot lumaag om sampai rinundukan it tidi ku dno...akazan i didino ong andaman ku, mad kakal oku i rumosi...iti minonurat oku diti navazaan ku diti nga pivozoon dot sumarat ot sorimbutu ku..manjadi, amu ku apaham om ohoritizan dot nunu banal ong otopot no...tapi pandapat ku ong amu nantalaban laid dot tuturan dot hal dot ongo rogon, kemungkinan dot amu e otigagang banal sampai yaditi.. na bai ino...navazaan om nahajangan ku.

Varo pot iso tuturanon ku. Iti diti nga alaid no it anganak oku po sid umul dot hopod toun yadino ( tahun 1975 ) Iti diti tuturan dot hal dit ritan dot pomusik...pomusik diti, bubuha dot ulun dit pinatai dot ulun porogi. It toun 1975...it hiza diri it obpinai ku ondu (kakak) sumuni no dit hiza diri ( anak dara sunti) om avasi ka dioti sampai nagaral dot gimpuhut dot andarason ( opiining di tuan bushido iti tuturan diti). Manjadi ogumu no bo ot moningon singon ( mengurat ) termasuk no it ulun luar mantad dot andarason...om ulun dot sidioti tuan bushido ( mozon e riton tu sensitif dati)... manjadi poginakanan dot bulan 5 1975 sid valai dit kotuaan dahai...nongopompon ot tanganak vagu sino dino. Om koubasan mimang varo miinum sampai nongoavuk om pimbulai no dit ongo kosioho...

Amu songkuro timipuun no ot miaganol ganol...miniooduw no sampai varo minamakai dot ongo guluk...amu nosodiri dot kuran...amu no nimpolonuvan dot kuran... pad nopo varo not iso ot anak vagu dot tinumanggal i tu notobok om sampai minatai no ma yalo dino...manjadi gima tu rumosi dot ohombilan antawa osoluvan...na minuli okoi no sid andarason dino...sodop diri amu po... aso po... jadi susuvab dino...osopung po minitalib no it ongo ulun sid valai dahai dit minanangkon dit buntung/bangkai dit minatai tu post moterm sid hospital dot kudat...om it tama ku turus kinodim dot pulis sbagai saksi tu ama dit sumuni dit nokopuun dit pinioduhan...jadi sodop po diri yokoi okoi po tanganak...it tidi ku, it tobpinai ku tohudi om it obpinai ku tondu sumuni ( amu po nokodim dot pulis tu ong otopot no bawah umur po...

It koripupuun po...aso po...mazad dit mad lumolong lolong no...varo no muni uni dot mad tanid tanid ot uni...mintutuk tutuk sid panahambai dot valai dahai pivozoon monguni...ssshiik...ssshiik...ssshiik...ka. ong yokoi tu amu po karahati...amu i rumosi, it tidi ku tu kopirongou rongou no dot tuturan dot pomusik...intod ko mad minogombura no it idi ku om...pomusik iti ka dit idi ku... na yokoi nga momodrosi no sampai mad pivozoon no mogihad tu osompitan no...kusai dot osukod nga aso sino tu it tobpinai ku dot kusai dit osukod sukod no nga minilombus vagu mongivas...jadi banal ko notigagang okoi sampai dot mad niduan dot hatod. It ikorosi banal..iti pomisik diti ka...it ulu dau kolu'u dot toddok...sumumbol sid ulu om akanon ogi dau ka...jadi ino not ikorosi dot pomusik ka bai labpang dot kazu tu amu bogima kasantak sid ulu ong kilabpang..jadi gima tu banalko rumosi...sampai linumaping okoi sid sombol..it ginaza'u dit makan rakan nga iduanai e dahai...manjadi iti not tuturan ku dit navazaan om nopurimanan ku kondiri. Ong bianono dati tu okon ko amu kimozo nga varot ginavo dot tipongililo...titihon ku iri dati...tu ong otopot no, mad ombolog ot buatan ong katapatan no..naavi no..

sumirangat ma sorimbutu ku randagan mamasa dinot tuturan nu....varo tuturan opirongou ku...inot pomusik minintutuk ka sid tinigusan do valai titihon dioti nga obizazat no kumujom it sotirip..ino domburan sid dapul nga pingkaidino...

om kabo dot tongo tuturan ilot raha dot tulun minatai ong otirian do limau sumiliu do pomusik...betul, tidak betul tidak tahula tahu la...

Tanid ko ino ogumu e it vokon nga baiko mad tuturan2 po dot bubuha. It andaman ku mad induvo oku toro'o dot bubuha. It anganak oku po banalko ominat mimot dot tv, gindozo ong tumonggoi sid kina, kada e ong amu kimot dot tv...tayangan2 ot mad kominatan dit hiza diri. Jadi varo minatai dot lumohing not ondu...dot inot ondu dno tataro'on dahai dit obpinai ku dit mizau po...vokon nong babakon dahai ot ponginuman dau tu it tagad di oti avazaan dahai mibo...jadi patai po, mad pambalasan si pitung naku tu uli okoi po dit minimot okoi dot tv, pad nopo nopurimanan ku mad varo nakakapit dot mad butak sid longon ku...hovoro ku om singudai ku...alaa taalaa...ta'i tantu dot banalko ovutong...kiroon nu e ong dang lumohing dot ta'i om minatai po kagi..

Na it najangan ku vagu, it kakaraja ku po std felda dt...ngam ngam nokuli oku varo minatai dot ulun anak vagu no yalo dno...minatai dot accident ponong snod ranau... jadi korikot no po it buntung di alo, sinumombol okoi nobo tu ba kumatabango no bo gima...jadi nakatampat po yalo dno, na minuli okoi no tu sumodop no kagi...korikot sid valai...minodsu no...minakan, om mioboros2, botuturan om sino gingis nobo...om varo it togok togokon tokudik...amu elaan dot nunu ot naakan ku...jadi banal ko tita'i oku....manjadi tinuma'i oku no bo...tandas bebas...sid govuton...nga mad aso i topurinizan ku dot bubuha dialo dit hiza oku tuma'i. Nopongo tuma'i, minindakod oku no vagu sid valai. Pilombus oku e sumondiw sid bambalan...botuturan no vagu...dot tigog e...ti arab no dot mad nolupit ot roun dot kazu...mad avantang it gama mongolupit...kolu'u lu'u no dot sonsong dot tangga...zazako ku kagi...dot nunu ka dialo kinazazakan ku dinot dot...kazazak zazak ku po ino...ti anjub dot banal ko ovutong....ta'i no vagu ot ni hadiah doho dot bubuha...ja di sumanong oku dot hadiaan dot bubuha dot ta'i. Jadi, bubuha diti nga amu ku e apaham dot kuran ong otopot no...varo banal2 ko kuran, tapi iti not najangan ku...deeta...

tatahakan ko kagi ong ikau..nga anakapapan gama panahak dioti (bubuha)....

kimozo oku ong yoku varo...nga ong bahagi ko sid pangalaman aso po banal2 ning mataan ku. bai ko korongow mad rumamai ot tulun sid kalalabangan sodop...

Mimang otopot ko varo diti bubuha dati diti ong otopot no nga amu milod kojion tu okon asarok dot ajadi om amu adapat mongimpa. Tu tanid ko yoku, ogumu po ot ulun vokon dot monuturan hal dot bubuha, vokon no ong imot mogom ogom antawa manau panau atau pingkakat nga amu imot ot vuros ka dioti nga otutunan ma ot ongo pamazobazo dino gima. Jadi mad mokititi'im ko naku diti angu myki...he..he..ong mokioti'im ko ojio itit aji diti..kuk bagai mitalib oku pogun kanto..

deetaa ...atalow oku nong biano no he..he..amu noka ong singaja dot mokimot...mad ovitan oku i dati do 'linopot'...

ong hiza dilo kimot kabo do tuturan aso mad osolukunan dot ino nimot dino nga bubuha...sid ongo 2-3 minit yad kino om arasaan ogi dot inot nimot dino nga bubuha..

om moki tarang oku sid isai nopo kilo nunu no ong pamangkis om tinapas....

myki wrote:

om moki tarang oku sid isai nopo kilo nunu no ong pamangkis om tinapas....

>Ong pamangkis mad amu kopiining oku, nga ong inanangkis mad varo. Mozo dot tuturan dot ongo gulu gulu, inanagkis diti gingis dot ongo mondow om mad mangakan dot ulun ka. Tinapas nopo gingis dot using ( mungkin kucing hutan yang ganas ) om iti diti nga mangakan e dot ulun ka. Miduvo duvo iti bansa dot dupot nga it kindorosi.