Bah sejauh mana kita memahaminya dan mahir menggunakan boros momogun?

SILA BACA DI BAWA:

kopivosian ngavi... kumaa tobpinai momogun.
mokimahap om siou kio kadit dusun tu mad biano om nokosuvot oku ogi mambat ditit piumpugan boros momogun dikou...

kogulu po mokimahap ong varo ot ninrualzan dot ginavo sid saralom diti "rurunggai piambatan tokou" sitid FS.. kadan itongob sid ginavo om kimozo oku dot aso-i ot kumaus po siti diti bo he he he adei-dei.. ojoho nobo ong...okoni ko aradsi po ot gama tokou diri..kad pangananat dot rukat ginavo sakavi... ong varo ot nabpisan dot yadino..

bah ong otopot no avasi iti gama di Queen @ Enuvung diti tu varo ot puog @ idea saampai no dot nakalzandai itit topik dot yaditi.. kounsapatan tavasi kumaa dikau sumuni enuvung he he

paranjaton ku-i ot ongo boros aharap oku dot sokoviai ot ongo momogun dit songkozou-kozou miampai nobo dit ongo sid tupak mananjung [semenanjung] it ongo sonsikul-sikul ko kumaraja kah yadino invasi-vasi kou no kavi om aharap dot alzi-alzi kou-i.

kozon no polzingan ot sumambayang om toudon bvanal ot koudazaan dot avasi [budaya yang suci]. boros do ongo aki iti Momogun Rungus diti amu tumanus sid pomogunan gamko zumazad yoti diti sid isan do rahat om pitanaon ka.. nah ong mogkorilzo kou ditit tuturan itino diti ot nakagama dot okosog it ongo molohing tokou kinodorizan mogkoposizon tu nosinikit dot kopizo antad po di gulzu. inono ot boroson ku kaanangan ko it kopizo "Koniu om mangkahak di Aki Rungsud".

Iti nopo kopizo diti tuturanon ku sidi tokou sokoviai tu okon ko pongimpalzad itit yaditi diti.. Koniu om mangkahak nopo diti ot horotizon banal dau ino-no "Koniu kah nopo harati dau "Misosondiu no ot momodlohing dot notuaan dot hukum om misosondiu no ot momodlohing dot galzaman mangapad dot rurungan di Rungsud antad sid ompuraraat kah."

"it nopo harati dot Mangkahak kah dino, ino-no ot kaandangan dau miahak-ahak no ot solzumpak vagu dot ongo sindak om okosog posurut dot kingkakatan dot bansa om monungkus dot hukum momogun sid isan dot rahat ko sid pitanaon kah."

Irid po diri toudo bvanal tokou iti gama dot kopihoto om koogoto dot ginavo tongo aki di tokou.

Biano no diti ong rungkipoton ku ot gama mononsob itit simbvuhal diti solzumpak tokou diti om pisorominon ku dinot kopizo gulzu om biano mad inot harati dot Koniu om mangkahak mad nopogunan no di tokou mongitung. Sonsobvon ku po ma bvanal mad varo ot suni dot pongohorotizan ku dot inot koniu om mangkahak mad sumongkiang no ot harati dot kopizo kumaandang sid yad kiti ot korikoto ino=no: "

Koniu = Misosondiu no ot momodlohing magavuk sid bvadi ko tomu sampai monungkamang dot notu'uhan dot hukum om adat.

Mangkahak = Miahak-ahak no ot suni vagu sid rolzot do kosurutan dot ongo kakahag.

iti diti dohon dot rungkipot.. aharap oku dot dikou ngavi dot kipot ongo vavasi mantad ko inot dohon dot panansaban dino.

Kuran po ma.. mitatabang tokou potungag ditit bvinuog momogun @ ideologi momogun yadko it gama dit molzohing tokou kodori mitatabang mangapad bansa sid saralom dot rurungan tokou.

kopiondusan om katamanan kumaa sid ginavo ditokou sogigisom. It korumpad dot sirang impadatan dot kovosihan dot ginavo, It korunggal dot hukum sisipan dot kavanusan do kosog, saampai kalzandai ot ranzat dot rumandavi sid vonsoi dot koposizan tokou om saampai atarom ot kotutunan sid bahazan tabvanal om sumondot tokou sid koposizan dot kiomplzing.

Rumandavi om Yi-Ongkol-ongkol

kada tokou pi-inum suvab-suvab tu inono ot kotohok dot bahazan..
otohok nopo bahazan yadko it dangol dot aso ot ulu,,
kukuro kapal lampanit aso tulun soumul-umul manangkakamot dangol bulzapang...

bahazan yadko ulu do dangol.. dangulu dot inorusan,
tanak nopo dot rumandavi mangarus tulu dangol om mangasa do ringil do dangol..
tu dangol nopo di'usan-usan rumandavi inorusan yad ko alzus dot bulzuntung.. tu avan no ot kapo-kapozon..inono it avanus ot piabil-abil..

nga podi nopo dot mato.. nosisiat dot vudsa diongkol-ongkol..
dangol nopo di'ongkol-ongkol kiangkap dot apapag nga dazap ot piabil-abil..
karab sino siti, kurab sombo-sopi, vaig tanau mosin, nalagit kapoi-kapoi ...

faham juga ba tuan tp lama2 sia baca macam terikut ikut itu intonasi bobolizan momurinait...

Yoku, tanid ko inot ongo sambatan ( simbolik ) it ongo istilah2 atau it ongo pongoritan dit ongo raralom nga oporlu dot pisisingilaan tokou vagu supaya amu tumanus tu mulongko yoku tu nanas dot rungus nga ogumu no ot amu andaman ku. Adau biano monimpuun oku dot amu kopiro:>

1. Tarantab tana = mata keranjang, 2. Tuvas = badan pendek, kaki panjang
3. tarajang timpan = kelihatan cantik dari jauh ( nice at far ) 4. mongolzu = perjalanan roh orang mati ke puncak gunung kinabalu ( kepercayaan momogun dahulu kala) 5. Koolzing dot aso dangol = tanda kematian 6. Sungangkok = meletakkan seorg kanak2 di atas kaki sambil berbaring sambil menghayun2 ke atas dan ke bawah 7. Poponjuvon = kanak-kanak yang mudah menangis apabila diusik 8. kobungkut = menjadikan satu jumlah berkurangan kerana terpaksa diberi kpd. org lain. 9. Omi'il = muka yang tembam 10. Monugat = menyiasat secara berdepan dengan org yg menjadi sumber satu2 berita/cerita.