Mungkohuan no iti ginavo ku iri sid sompihihiza gumovit nopo dikau,
Mungkolzu no
iti nanad ginavo ku iri sid sompihihiza kosorou dikau,
Tu nimbvuvutan oku no
dot kalzangadan,.....
Tu noromutan oku no dot
katangabvan...

Munggonit no iti ginavo iri sid sompihihiza otingkau ot
pikavidan to..
Mungkorud no iti ginavo iri sid sompihihiza kopisimbvaal ot
pihorotizan to..
Sampai nolzobong oku no sid nanad dot kobvimpitan..
Gima
tu it ponong ginavo ku dika..

Tumantag no iti huntung ku sid
guvasku..
Tu navagatan do lzangad ku sid dikau..
It gizak do
ginavoku,
Isai no ot korongou..
Tu tinolzikudan oku no dikau antad sid
tinoguvangon nu..

Kuran oku kah moguhod sid piginavaan ku sid dika?
It
hakod ku natangkong no dot simbvagat..
It lzongon ku nogivisan no dot
bvolzit-koturu..
It munung ku notombil no dot gamut gonunuk..


Sabab dino nobvungkong no it guvas ku..
Nasangkap oku no sid nanad piginavaan
do rondom..
Rondom no ot minamalzud dot puhobo ku.....
It tolzingo ku nopusok
no dot tuni pizak do rondom..
It mato ku nokosusut no antad sid
kanavahan..
Sampai monombvitil no it koposizan diti dot kanavahan..
It
purasa ku natantanan do poit inurod mondou..
Sampai opodih no it purimon dot
ompodus ku..
Natagakan oku no dot kohigakan dit irak nu..
Natagakan oku no
dot samod antad sid ginavo nu..
Avagat no it purimon ku...sampai amu oku no
kungkazut ot gama nu..

Sodop adau minud oku dit samod nu..
Sid
oput-oputon ku it pinuhobo ku..samod nu no ot inudan ku..
Tahakai oku no
somviis ot samod nu..
Timbvaraai oku no dot sontunguw ot samod nu..
Tu
opodih no ot purimon dot ompodus ku..
Pinumo oku no dit samod nu..
Tu
lzumikop oku no minud dot samod ginavo nu..

Opihoi no iti huntung
ku..
Ogiru no iti koposizan ku..
Nobvimpitan oku gima tu guminavo oku
dikau taralzom..

Sid tanga kinalzanutan do rondom it puzai no ot ivou-ivohon ku..
Sid tanga
sosob dot runat it gapus nu ot ipi-ipizon ku..
Sid tanga do sasak darun it
sirung do samod nu ot okukutau ku.....
Nga posiroto ku po iti
mato ku..baiko it korualzan dot ginavo ot sumimbvit dohon..

Notohos no
kah it kosianan nu sid dohon?
Notodu no kah it togod nu sid dohon?
Tu
akansang no ot kapagasan dot ginavo ku sumanganu dikau..
Yad ko it sangbandu
ot lada dot kokou sid mato ku..
Yad no dino ot purimon ku..

Mogihim
oku no dot irak nu..
Lzumangad oku no dot timpan nu..

It irak
nu.
yad ko ompilzing do rombvituvon sid kalzanutan do rondom..

It
timpan nu,
yad ko bvinahang do vulan do mokou..kanavau dot pongitungan
ku

It kavid samod nu sid lzongon ku,
yad ko alzad dot
mambazangan..

It kama dot samod nu.
yad ko tarakas dot
kolzingos..

Sabap kolzuvau dot tongob ginavo ku it irak nu..
Sabab kanavau dot rondom
ginavo ku it timpan nu..
Sabap kohigak dohon it kavid dot samod nu.....
Sabap kolzingos dot ruol
ginavo ku it kama dot samod nu..

It dolou om boros ponongkingin
nu,
Yad ko vaig dot olziou..
Sampai ko-uru no dot tulzihonku antad sid
bvinahang dot runat.

So-ira kopitongkizad kito..
Bvintuvongon no it
koposizan ku..
So-ira dot mininsid ko..
Notontob no it ginavo ku, yad ko
notontob ot ogivis dot lzikahan..
Nobobou no it munungku, yad ko it sundatang
dot aso talzi..
Nararas no it koposizan ku, yad ko it sigal dot
robukan..
Nokinis no it higak ku, yad ko gansing dot kakamot..
Natanau no
it purasa ku, yad ko it dazap gagauh lzazag..
Natagak no it puralzan ku, yad
ko it lzazag notimamang dot mangazou..

Sampai it inumon ku, baiko romou
po dot mato ku
It pongindagup ku baiko vaig po dot mato ku
It romou dot
ihad ku ot ovud panagahan ku

Om opodih no ot ginavo ku yad ko pinagaan dot tonsom..
It timbunguw dot taduk
ku, baiko romou tihad ginavo ku..
Mungkolzu no ot ginavo ku..kumaa sid
dikau..... Read
more

O Kinoringan sid
Kavanusan dot asavat,
Tahakai okoi no dot kakansangan
Tahakai okoi no dot
kentalzangan
Tahakai okoi no dot koposizan tavasi,
Tahakai okoi no dot
kounsapatan,
Tahakai okoi no dot kakasagan,
Tahakai okoi no dot
koindazahan sid Dikau,
Tahakai okoi no dot puralzan Tavanus,
Tahakai okoi
no dot katamanan,
Tahakai okoi no dot Kimanan,
Tahakai okoi no dot
koungkakalan dot samod,
Tahakai okoi no dot kohigakan antad sid Dikau
Tu
I-Kinoringan no ot agazo o samod..
Tu I-Kinoringan no ot mamangkat dot
timbagos..
It timbagos dot timbang sid palad-Nu
Om tarakaso no iti
piginavaan diti
Sabap agazo no it samod-Nu.